အစားအသောက်နဲ့ ပတ်သက်တဲ့ ဒီလိုအမှားတွေကို ကျူးလွန်မိနေပြီလား။

အဆီက ကျွန်ုပ်တို့အတွက် မကောင်းဘူးလို့ အမြဲကြားသိ နေရတဲ့အတွက် အဆီလျှော့စားသင့်ပါတယ်။ ဒါကြောင့်လည်း ကျွန်ုပ်တို့အများစုက အစားအသောက်နဲ့ ပတ်သက်ပြီး ကျန်းမာရေးနဲ့ ပိုညီညွတ်အောင် အစားအသောက်များမှာ အဆီနည်းတဲ့ အမျိုးအစားကို ရွေးချယ်ကြပါတယ်။ ဒါပေမယ့် အစားအသောက် အရသာ အတူတူဖြစ်သလား၊ အဆီပြည့်ဝတဲ့ အမျိုးအစားနဲ့ တူသလား၊ ဘာကို ပေါင်းထည့်လိုက်တယ်ဆိုတာ စဉ်းစားကြည့်ဖူးပါသလား။

သကြားဓာတ်ဟာ အဆီနည်းတဲ့ ဒါမှမဟုတ် အဆီမပါတဲ့ အစားအသောက်များ အရသာပိုကောင်းစေတဲ့ နောက်ထပ် ဟင်းချက်ပစ္စည်းတစ်မျိုး ဖြစ်ပါတယ်။ ဆိုလိုတာက အဆီပြည့်ဝတဲ့ အမျိုးအစားကို စားပါက စားမိတဲ့ ကယ်လိုရီထက် အများကြီး ပိုစားမိသွားနိုင်ပါတယ်။ သကြားဟာ အဆီထက် ကျွန်ုပ်တို့ခန္ဓာကိုယ်အတွက် ပိုဆိုးတယ်လို့ အာဟာရဗေဒ ပညာရှင်များက တွေ့ရှိထားပါတယ်။ ဒါကြောင့် အကောင်းဆုံး ရွေးချယ်မှုအတွက် သင့်အစားအသောက်မှာ ဘယ်လောက် ရှိတယ်ဆိုတာ နှိုင်းယှဉ်ဖို့ အရေးကြီးပါတယ်။

အဆီမပါတာ တစ်ခုခုကို အလိုအလျောက် ရွေးချယ်မယ့်အစား ‘သကြား မပါဝင်ပါ’ လို့ ဖော်ပြထားတဲ့ အမျိုးအမည်များကို ရွေးချယ်ပါ။ ကိုယ်ဘာစားတာ သိရအောင် အာဟာရပါဝင်မှုကို စစ်ဆေးရင်လည်း စိတ်ကူးကောင်းတစ်ခု ဖြစ်ပါတယ်။

မနက်ခင်းမှာ ပေါင်မုန့်ကင်တစ်ချပ် ဒါမှမဟုတ် ဆန်ပြုတ်နဲ့ ထမင်းလိုမျိုး တစ်ခုခုကို အလွယ်ယူစားလိုက်ဖို့ လွယ်ကူပါတယ်။ အထူးသဖြင့် အဲဒါတွေက ဗိုက်ပြည့်စေပြီး တစ်နေ့တာအတွက် အသင့်ဖြစ်စေပါတယ်။ ဒါပေမယ့် နံနက်ခင်းမှာ သင်စားသမျှက ပြုပြင်ထားတဲ့ ကစီဓာတ်များ ဖြစ်နေရင်တော့ ဒီလို ဗိုက်ပြည့်မှုက ကြာရှည်မခံပါ။ အနည်းငယ် နေမြင့်လာရင် အဆာပြေထပ်စားရတော့မှာ ဖြစ်ပါတယ်။

လူအတော်များများက မနက်ခင်းမှာ အသားဓာတ် ရှောင်ကြပါတယ်။ အဲဒီအခါ မကြာခင်မှာပဲ အစာစားလိုစိတ် ထပ်ဖြစ်လာတယ်လို့ ဆိုလိုပါတယ်။ အသားဓာတ်ဟာ တာရှည်ခံတဲ့ စွမ်းအင်ကိုလည်း ပေးပါတယ်။ အထူးသဖြင့် ကစီဓာတ်နှင့်ယှဉ်ပါက သင့်သွေးတွင်း သကြားဓာတ်ကို မကုန်ဆုံးမီ ပြန်အားဖြည့်ပေးနိုင်ပါတယ်။

ပိုပြီးမျှတတဲ့ မနက်စာအတွက် ကျန်းမာစေသော အသားဓာတ် အဓိကပါတဲ့ အစားအသောက်ကို ရွေးချယ်ပါ။ ဒါပေမယ့် အရန်အဖြစ် လုံးတီးပြောင်းနှံများ စားသုံးပါ။ ဥပမာ၊ ဂျုံကြမ်းပေါင်မုန့်ကင်နဲ့ ချိစ်အမာ၊ ကင်းဝါးစေ့နဲ့ ဒိန်ချဉ်ပျစ်ပျစ် ဒါမှမဟုတ် ကြက်ဥမွှေကြော်နဲ့ ပေါင်မုန့်ကင်လိုမျိုး ဖြစ်ပါတယ်။